الكاتب /احمد القوني

"قالوا عنِّك"

قالوا عنِّك  كلام قلبي رافض يصدّقه

قالوا حبِّت قبل منك وكانت بتعشقه

قالوا كتير وب يفتروا 

إمسك لسانك قيّف كلامك واوزنه

مش كل شيء ضروسنا تقدر تمضغه

يمكن تلاقي جوه بيتك حد مجرّبه

مش كل اللي ساب في البداية دا كان مطلبه

ولا كل اللي سابت غاوية فُرقة ونار توجعه

ربك قاسِم لكل روح روح طيبة تشبهه

تبقى جنبه في الشدة ضِلع جامد يسنده

تبقى ضحكة عايشة علشان تسعده

تبقى الدفا وقت الأسى لما الليالي تشيّبه 

متظلموش قلوب البنات بالبُكا

متزرعوش في الأيادي كُره وجفا

متهربوش من وعد كان أساسه الوفا

متقربوش من حاجة مش أدها 

متعشموش اليتامى بحبة هوى في الهوا

البعد داء والقرب كان الدوا

الدّيْن تقيل وبكرة  حتمًا هترجّعه

هتيجي بنتك ويقولوا عنها 

كلام متحبش تسمعه 

يا طيّبة!؟ 

مش كل حلو في حياتنا يشدنا

مش كل كلمة جميلة تمسّنا

مش كل وعد نصدّقه ولا كل وغد نأمّنه

ناس تضِلّك تلعني  حبها 

وناس تضلل على قلبِك

تخليكي بهواهم مؤمنة

متسلميش ومتضعفيش وكل حاجة ممكنة

متسلميش لليأس روحك وكوني نجمة في السما

خلي اسمك لما يذكر يقولوا عنّك

 دي في حتة تانية مش هنا

ست البنات يا ريت كل البنات زيها

 أحلى بنت في حيّنا

أحلى بنت في حيّنا

# بقلم:أحمد_القوني

#Ahmed_Elkony