حوار مع الكاتب الروائي/ مصطفى المتولي بقلم: أسماء جاب الله

حوار مع الكاتب الروائي/ مصطفى المتولي 

بقلم: أسماء جاب الله

بداية أحب اتعرف بحضرتك : 

اسمي مصطفى المتولي احمد المتولي

انا عندي 23 سنه 

من مواليد مدينة السنبلاوين بس قاعد في مدينة اجا 

مهندس مساحة جامعة المنصورة

بداية ككاتب 2019 بأول روايه ليا مملكة ارندا

ما هي أعمالك غير رواية مملكة أرندا؟ 

يخيل اليكم  نزلت المعرض اللي فات وهتبقا بداية

 لسلسلة روايات

ما منهج حضرتك في الكتابة؟ 

فانتازيا، رقصات الموت ادب بوليسي كانت اول تجربة، مملكة ارندا فانتازيا، ويخيل إليكم متقسمة لفصلين فصل رعب لان الزمن كان التسعينات وفي أرياف مصر فكان لازم اكتب رعب بس هي الفكرة نفسها  فانتازيا أكوان متعددة وتجارب حاجه قريبة من عالم مارفل

ما معني أراندا؟ بتعبر عن اي ف الرواية؟ 

هي البطلة، بس الاسم نفسه تقريبا حد صاحبي هو اللي مختاره+ انا بكتب الروايه بدون الشخصيات والاسم، يخيل اليكم دا اسم من اقتراح صديق ليا اسمه نبيل،هو فيه حاجات بتقف معايا، يعني مثلا لو بتكلم في عصر التسعينات اكيد مش  هخلي اسم واحد في التسعينات شادي او مازن، انا اوقات برقم اسامي الشخصيات لحد مانستقر ع اسم

تكوينك للعوالم اللي بتختارها للروايات بيعتمد ع الخيال البحت ولا بتلجأ لطبائع جغرافية لأماكن بعينها؟

في رقصات الموت كتبت في عام لن اكلف نفسي عناء  ذكره فلا احد يهتم بالتواريخ ..

ارندا كتبت في حقبة من الزمن محددتش زمن معين

يخيل اليكم هي متقسمه لعالمين 

الارض 

وكوكب اسمه يولاند 

احداث الارض ولاول مره  اكتب اعوام 

من 1990 ل 2008

والمكان؟ جغرافيا المكان بتعتمد فيها على اي؟

ولا المكان   ... 

ارندا حرب بين قبلتين 

وحكام القبيلتين  اخوات

يعني رواية ليس لها مكان ولا زمان، أحداث فقط؟

بالظبط 

المكان والزمان للقارئ . 

انا قولت حقبة من الزمن  

والمكان محددتش موقع

يخيل اليكم حددت زمان ومكان لاول مره

لاني اضطريت ابدأ برعب 

مش فانتازيا 

الجزء الاول

كتبت عن ابو المشاعل - النداهة - المارد - الاسقاط النجمي - تعدد الاكوان - الأكوان المتوازية -  والنظرية النسبية لاينشتاين - والسحر وانواعه ..

رواية يخيل اليكم اخدت من حضرتك وقت اد اي

8 شهور غالبا

و اي اصعب حاجة ف كتابتها، البحث ولا ترتيب الافكار والسرد؟ 

اسامي الشخصيات واسم الروايه

يليها البحث

انا طلبت مساعدة ناس في كلية علوم 

وستات كبيرة في السن 

وناس تشرحلي النظرية النسبية بالتفصيل

ستات كبيرة ف السن لي؟

علشان فصل الرعب وتقريبا مواقف الرعب اللي في الروايه حقيقيه

شايف الكتابة الأدبية في مصر مستواها اي 

والتأثير الأكبر للشعر ولا للرواية؟

مليش رأي في موضوع الكتابه كل واحد وليه جمهوره  وناس بتقرأله 

بس حاليا مبقاش محتوى ادبي ع قد ما محتوى جمهوري  وفانز، اكيد الروايه تأثيرها أكبر مش الشعر+ انا الشعر عندي افضل من الاغاني 

اسمع شعر وماسمعش اغاني

يعني شايف أن الأدباء بيبحثوا عن الريتش اكتر م المحتوى ولا القراء هما اللي بيبحثوا عن السهل

عموما مفيش حاجه اسمها قارئ بيبحث عن سهل،مش بعترف باي حد بيكتب روايه عامي، هتقولي العامي سهل للقارئ ؟ مش هجيب دكتور  جامعي  او عالم 

او حد مثقف في البلد اديله روايه مكتوب فيها 

حسن استنى ياحسن متسبنيش  والجو دا، انا بكتب عامي ع الفيس وبنوع مش تناقض، بس بكتب السهل واللي يعبر عن الكل..بس بالنسبة لرواياتي فهي اللي باقيه بعد موتي  

من رأيك ان الكتب لها احترامها؟

أكيد

انا قريت كتير تقريبا مكنتش بقرأ غير لاجاثا كريستي  وقريت لتشارلز ديكنز ختامهم ب كاتبه عربيه واتوقفت عن القراءة بقالي كام شهر

حاليا لو هقولك رشحلي كتاب اقرألهم هترشحلي مين؟ ادب عربي؟ مش هقدر أفيدك في دا 

يعني مشروعك الجاي ف المعرض هو الجزء التاني من يخيل إليكم؟

باذن الله بس مش المعرض الجاي

مين كان داعم ليك ف مجال الكتابة؟ محدش كان داعم بوحه عام بس اللي قدر يساعدني في إني انزل أول رواية لياالدكتور حسن السبيري ،  هو اللي عرفني كل حاجه  ازاي انشر روايتي وكدا، دا دكتور وكاتب روائي له 8 اعمال أشهر رواياته رواية ابيدوس وانستاتيكا

طيب شايف المتخصصين في اللغة افضل ولا الهواة ككتاب

ماحناش دكاترة لغة عربيه 

بس فينا اللي بيكتب افضل من الدكاترة

نصيحتك للي عاوز يطور من نفسه ككاتب؟

يقرأ

وازاي يجمع افكار السرد لرواية؟

يبدأ والافكار هتيجي لوحدها، انا ببقا منظم حاجه، ولما بكتب بيتولد افكار مختلفه واحسن

الأفكار بتيجي زي سيل رهيب وقت الكتابة، بس السرد بيبقى غريب لدرجة أن ممكن يحصل قصور بسبب السرعة؟

وليه السرعه، يمكن اي حد بيكتب، وبيقولي ساعدني انزل كتاب، بس الاهم انك تنزل حاجه  متندمش علي حرف من اللي مكتوب فيها، 

بتفضل السرد البطيء للأحداث ولا السريع؟ 

الوسط، لو مشهد فيه ناس ممكن تسرده في 300 كلمة انا بفضل ابقا 150 مثلا، السريع اوي لا، لانك كدا بتجري في الروايه، البطيء اوي مش بكتبه، بس بقدر اخليني وسط

بس ده لأنك بتفضل السرعة ف السرد ولا بتعتمد على الإيجاز البلاغي؟

لا بطيء ولا سريع واكون قدرت اوصف المشهد كويس

طب لو مشهد رومانسي؟ 

مبكتبش رومانسي، رقصات الموت استثناء،  حتي الرومانسي كان علشان البطله تقتل البطلة

التدقيق اللغوي حضرتك اللي بتعمله بنفسك ولا في حد بيصححلك؟

بعمله بنفسي، وبدقق بعد ما الدار تدقق برضو، وتراجع ورايا، يعني براجع وببعتها يراجعوا هما ويبعتوها اراجع وابعتها  نسخة نهائية

أيوة بتكون الرواية تقريبا خالية م الأخطاء؟ 

مفيش رواية خالية من اخطاء، بس بتبقا محدودة

دخلت كيانات كتابة قبل كده؟

لا ومش عاوز انا بمسح اي حد بيكتب بقول ، لإني حابب ابقا في  حالي دايماً

في النهاية أحب أشكر حضرتك على هذا الحوار الممتع، وفي انتظار أعمالك القادمة مع تمنياتنا بالنجاح المستمر والتوفيق.

حوار بقلم : أسماء جاب الله