جريدة أماليا
أنا عندى صاحبة
فاهمة يعنى أي صُحبه
فهمانى ودرسانى
وإن يوم لاقيتنى بعانى
تقول ليا كفاياكِ
خلاص مفيش جروح تانى
قومى وعافرى وإثبتى ذاتك
بينى للكل إنجازاتك
ومتخديش بكلام الحاقدين
أنا معاكِ سند وضهر
وحباكِ حُب لا له كمية ولا حصر
هيبقى معاكِ بدل القلب قلبين
وكمان بدل النبض نبضين
لو جه عليكِ يوم وحالك مش تمام
هفضل معاكِ لحد ما توصلى للسلام
ساعتها بس بس هتأكد إنى وفيتك حب و إهتمام
وهظل معاكِ
بس ياريت على حالك تظلى
وجعك يا أُختى فيا بيعلم
وفجأة بلاقى قلبى بيتألم
إحنا أه جسدين منفصلين
لكن أرواحنا مع بعض منسجمين
بيعطوا لبعض إشارات لو حاسين
إن فى حب وسعادة ناقصين
إنتى النور اللى جه ونور دنيتى
جيتى خرجتينى من وحدتى
بعد أما كانت خلاص اشتدت أزمتى
حقيقى...إنتى عوض ربنا ليا
وإن كان لسه بالعمر بقيه
هتظلى مالكة البال والنية
بقلم: ميادة سعدالدين
تعليقات
إرسال تعليق